سوالف البنات في الطابور

    شاطر
    avatar
    cute girl
    عضو نشيط

    انثى عدد الرسائل : 61
    العمر : 24
    العمل/الترفيه : student
    السٌّمعَة : 0
    تاريخ التسجيل : 06/04/2009

    سوالف البنات في الطابور

    مُساهمة من طرف cute girl في الإثنين مايو 04, 2009 11:18 pm

    البداية مع التفتيش

    ليش مريولج موديله جنه فستان عرس ؟ أبله هذا ستايلي ..

    ليش حاطة عدسات زرق ؟ أبلة عيوني هذي .. امي اوروبية .

    ليش كل هذا الكحل ؟ أبلة عيوني كحلية طبيعيا .. . :

    ليش المناكير ؟ أبلة هذي حنة سودانيه مو مناكير . :

    ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..


    ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "

    ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!




    طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

    وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

    نمر للبنات اللي مبققات عيونهم على المعلمات !! ..

    وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام

    وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...

    وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين

    شوفوا معلمة عطيات تنورتها تحفة .. خيالية.. آخر موضة .....من وين اشترتها ؟


    عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

    والحين قبل لا نخلص نشوف سوالف الدلوعات :

    أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .<<< معقوله

    تدرين مع من سولفت أمس بالشات ؟ مع لبناني وحاط صورته يمة يذوب ... شعر اشقر و عيون خضرا .

    و نخلص بالبنات اللي اختصاصهم الحش :

    شفت فلانة امس فاتحة شعرها جنه خرطوم حريجه.

    ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة . << مايسوى على البنت


    ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

    و في النهاية تجي معلمة و تقول مافي قلم : وين انتوا في سوق سمج ؟ ويقومون البنات ويضحكون على اي شئ كانهم خبايل


    ( ومحد يزعل سوالف تراها )

    ^^!
    avatar
    cherry blossom
    بنوته جديده
    بنوته جديده

    انثى عدد الرسائل : 1
    العمر : 22
    العمل/الترفيه : الرسم والقراءة
    السٌّمعَة : 0
    تاريخ التسجيل : 21/04/2010

    رد: سوالف البنات في الطابور

    مُساهمة من طرف cherry blossom في الخميس أبريل 22, 2010 5:09 am

    ههههه.. اي والله صحيح

    تسلمي خيتو على الموضوع الشيق

      الوقت/التاريخ الآن هو الثلاثاء أكتوبر 16, 2018 9:20 am